Orio bost mila biztanle inguruko herri arrantzale
txiki bat da, euskal kostaldean kokatua, Donostiatik gertu, eta
paregabeko ingurune naturala du. Alde batera, hondartzaren ondoan
Oria ibaia itsasoratzen da, eta beste aldetik, kostaldeko mendi
berdeak ageri dira; horregatik da Orio urdin eta berde.
Ibaiak, itsasoak eta mendiek ibilaldi ederrak egiteko
aukera eskaintzen dute, bai eta mota guztietako ekintzak egiteko
aukera ere: mendi ibilaldiak, bizikleta, arrantza mota guztiak,
arrauna, piraguismoa, surfa, windsurfa, igeriketa, parapentea…
Baina, berdea eta urdinaz gain, Orio, batez ere,
horia da. Herriko kaleetako plaken kolorea horia da, herriko jatetxe
eta denda askotako errotuluen kolorea horia da, eta herriko denda
eta etxeetako toldo askoren kolorea horia da… Izan ere, horia
da traineruaren eta arraunlarien kolorea. Handia da Orion arraunarekiko
zaletasuna, tradizio luzea du, eta azken batean Orio, arrauna dela
eta, horiz janzten da.
Orioko Arraunketa Elkarteak estatuko instalazio
onenetako batzuk ditu: hangar zabalak, ur gaineko ontziralekua,
gimnasioa, mantenu lanak egiteko tailerra eta bulegoak. Ibaiaren
itsasadarretik kilometro batera dago, 7 kilometrotan nabigagarria
den eremuan, aulki mugikorrean zein finkoan arraunean aritzeko oso
aproposa.
CRO
ORIO AE
BĒ Estación sn.
Apartado de Correos 21
20810 Orio (Gipuzkoa)
